په کابل کې د ایران د اسلامي جمهوریت د سفارت مرستیال سید حسن مرتضوي د نورو ایراني ډیپلوماټانو سره د خوست ولایت د والي محمد نبي عمري په بلنه دغه ختیځ ولایت ته ولاړ. دا د هېواد ختيځې سيمې ته د يوه ايراني پلاوي لومړى سفر دى، چې په خپل ډول کې د پام وړ دى، له دې سفر سره هم مهاله ايران د خوست او پکتيا ولايتونو له زرو اړمنو کورنيو سره بشري خوراکي توکي وويشل.

آوا - کابل: خوست ولایت د تېر حکومت پر مهال د ناامنیو له اصلي اډو څخه بلل کېده، خو اوس داسې ښکاري چې په دغه ولایت کې نسبي امنیت ټینګ شوی دی.

خوست ته د ايران د اسلامي جمهوريت د سفارت د مسوولينو د سفر په ترڅ کې د دغه ولايت له سوداګريزو او اقتصادي ظرفيتونو څخه د ليدنې په ترڅ کې دواړو لورو په دغه ولايت کې د ايراني سوداګرو د شتون او د سوداګرۍ د پراختيا د پيل او د خوست له چارواکو سره خبرې وکړې او د دغو اړیکو د پراختیا لپاره خپل چمتووالی اعلان کړ.

د هېواد ختیځې سیمې د واټن او د امنیت د نشتوالي له امله تل د ایران او افغانستان په اړیکو کې ځای نه لري، خو په وروستیو میاشتو کې د خوست ختیځو ولایتونو ته د ایراني چارواکو سفرونه زیات شوي دي.

داپه داسې حال کې ده چې په همدې حال کې د ايران ديپلوماتيک هيئت خوست ولايت ته سفر کړي دي او د ايراني مخورو له خوا د دغه ولايت په خلکو بشري مرستې وويشل شوې.

له افغانستان سره د ايران د اسلامي جمهوريت د مرستو په دې پړاو کې د خوست او پکتيا په ولايتونوکې په زرګونو معلولين او شهيدان له دغې مرستې څخه برخمن شول.

په تیرو لسو میاشتو کې په افغانستان کې څه دپاسه پنځوس زره اړمنو کورنیو د ایران داسلامی جمهوریت له صادقانه مرستو څخه ګټه پورته کړې ده .