ځايي سرچينې وايي، چې د بدخشان ولايت په تشکان او خاش ولسواليو کې د جګړو او طبيعي پېښو له امله د ٤٢٤ اړمنو کورنيو او بېځايه شويو لپاره؛ د کډوالو او راستنیدونکو چارو وزارت د چین په همکارۍ دغه مرستې وویشل شوې.

آوا - بدخشان: د مرستو دغه بستې چې په کې وريجې، خیمې، د پخلنځي لوښي او نغدې پيسې شاملې دي، د شنبې په ورځ (جوزا ۱۵ مه) د CONCERN له خوا چمتو او د بدخشان د مهاجرینو چارو ریاست له خوا پر اړمنو کسانو وویشل شوې.
 
هرې کورنۍ ته یوه بوجۍ وریجې، دوه خیمې، د پخلنځي وسایل او په ۲۴ نورو کورنیو ۹۸۰۰ افغانۍ نغدي وویشل شوې.
 
نجیب احمدي؛ یو اړو کسانو چې له دې مرستو څخه یې ګټه اخیستې، آوا ته وویل: "زه د تیشکان ولسوالۍ د کډوالو او راستنیدونکو چارو ریاست له خوا د بشردوستانه مرستو له امله خوښ یم."
 
د بدخشان اوسیدونکی احمدي زیاته کړه: "زه د یوې کورنۍ نهه کسه مشر یم، زه په کندز ولایت کې اوسیدم او په دې ولایت کې په وروستیو جګړو کې موږ د جګړې له حالت څخه د ځان ژغورلو او د خپل ژوند د ژغورلو لپاره اړ شو.
 
احمدي پر "اسلامي امارت" غږ وکړ چې په ټولنه کې د فقر او بېکارۍ د کمولو لپاره ځوانانو ته د کار زمینه برابره کړي.
 
دا مرسته په داسې حال کې کېږي، چې هره ورځ ګڼ شمېر ځوانان او کورنۍ د کار د نشتوالي له امله له هېواده وځي.