د افغانستان لپاره د امریکا ځانګړي استازي توماس ویسټ د ابوظبۍ په کمپ کې له یو شمېر افغان کډوالو سره وکتل.

آوا - کابل: د افغانستان لپاره د امریکا ځانګړي استازي توماس ویسټ په متحده عربي اماراتو کې د ابوظبۍ په کمپ کې له مېشتو افغان کډوالو او یو شمېر افغان سوداګرو او پانګوالو سره وکتل.
 
دا غونډې په داسې حال کې کېږي چې د یوشمېر کارپوهانو په باور امریکا په سیمه کې د خپل تسلط د پراخولو په لټه کې ده او غواړي یو ځل بیا افغانستان د خپلو ګټورو ستراتیژیو لپاره ځای پر ځای کړي.
 
د يادونې وړ ده، چې توماس ويسټ سيمې ته د خپل دوره يي سفر په ترڅ کې د تاجکستان، ازبکستان او هند له مشرانو سره هم د افغانستان پر وضعيت خبرې کړې دي.