د اروپا د کمیسیون مشرې اروسلا وون فیډرلاین وویل: «په ورسیلز کې موږ موافقه وکړه چې ژر تر ژره د روسیې پر ګازو، تیلو او د ډبرو سکرو باندې خپل انحصار پای ته ورسوو.

له روسیې څخه د تیلو د واردولو د بایکاټ په اړه د اروپايي اتحادیې د هیوادونو له دوو ناکامیو وروسته، د اروپا یوه لوړ پوړي چارواکي د سه شنبې په سهار اعلان وکړ چې یوه توافق ته رسیدلي دي.

د اروپا د شورا مشر چارلس میشل په یوه ټویټر پیغام کې ویلي چې د اروپايي اتحادیې غړو هیوادونو موافقه کړې چې له روسیې څخه د تیلو ډیری واردات بایکاټ کړي.

میشل په یوه بیان کې وویل: "اروپایي اتحادیې ته د روسیې د تیلو د وارداتو د بندولو لپاره یوه موافقه لاسلیک شوې ده." "دا سمدلاسه د روسیې د تیلو وارداتو دوه پر دریمه برخه پوښي او د دې جنګي ماشین لپاره د تمویل لویه سرچینه کموي."

هغه زیاته کړه، «دا د جګړې د پای ته رسولو لپاره پر روسیې تر ټولو زیات فشار دی. "د بندیزونو په بسته کې نور سخت اقدامات شامل دي، په شمول د سویفټ له لارې د روسیې ترټولو لوی بانک په توګه د اسبربینک بندول، د روسیې د دوو دولتي شبکو پر خپرونو بندیز او په اوکراین کې د جنګي جرمونو په اړه د بندیزونو لګول."

د فرانسې خبري آژانس د راپور له مخې، د اروپا د شورا مشر هم اعلان وکړ چې اتحادیې له اوکراین سره د سمدستي نغدي مرستو لپاره ۹ میلیارده یورو ځانګړي کړي ده.

د اروپا د کمیسیون مشرې اروسلا وون فیډرلاین په ټویټر کې لیکلي: "په ورسیلز کې، موږ موافقه وکړه چې ژر تر ژره د روسیې په ګازو، تیلو او سکرو باندې خپل انحصار پای ته ورسوو."

د روسیې د تیلو د بندیز په اړه د اروپايي اتحادیې د مشرانو د یووالي هرکلي کولو سره، فونډرلاین څرګنده کړه: "دا به په مؤثره توګه د ۲۰۲۲ تر پایه اروپا ته د روسیې د تیلو واردات ۹۰٪ کم کړي. "موږ به ژر بیرته راشو چې د پاتې ۱۰ سلنې په اړه پریکړه وکړو."

د اروپايي اتحادیې د بهرنۍ پالیسۍ مشر جوزف بوریل وویل: "دا یوه مهمه پریکړه ده چې د پوتین د جګړې ماشین معیوب کړي." "زموږ یووالی زموږ ځواک دی."

له دې مخکې مارک روت د روسیې د تېلو د بندیز په اړه د ځینو اروپایی هېوادونو پوښتنو ته په اشارې سره وویل، د مسکو پر وړاندې د اروپایی اتحادیې د بندیزونو شپږمه بسته به د اوړی له موسم مخکې تصویب شی.