د ځینو اوازو په ځواب کې، د طالبانو د اسلامي دولت د ویاند مرستیال انعام الله سمنګاني د طالبانو د پخواني مشر اختر محمد منصور د وژل کېدو د کلیزې په مناسبت د خلکو رخصتي رد کړه.

افغان غږ خبری آژانس (آوا) - کابل: سمنګانی پرون شنبه د (ثور ۳۱مه) په یوه ټویټ کې د ځینو آوازو په غبرګون کې لیکلی، چې د ملا اختر محمد منصور د وژل کېدو د تلین په مناسبت د یکشنبې په ورځ (جون ۱) عمومی رخصتی ده. د کار او ټولنیزو چارو وزارت دا اوازې ردوي.

د طالبانو پخوانی مشر ملا اختر محمد منصور پ همدي ورځ د ایران او پاکستان ترمنځ پر لاره د امریکايي ځواکونو له خوا په ډزو ووژل شو. له هغه وروسته طالبانو ملا هبت الله اخندزاده د «اسلامي امارت» د مشر په توګه وټاکه.

تر دې مخکې طالبانو د افغانستان د اسلامي امارت د بنسټ ایښودونکي ملا محمد عمر د مړینې په مناسبت د ثور پر څلورمه عمومي رخصتي اعلان کړې وه او د هغه د درناوي لپاره یې په کابل کې لوی مراسم نیولي وو. د ذبیح الله مجاهد په وینا ملا محمد عمر د نري رنځ له امله مړ شوی دی.

##ملا_اختر_محمد_منصور ##ملا_محمد_عمر_مجاهد ##تلین ##کابل ##ذبیح_الله_مجاهد ##ایران ##پښتو_خبر ##پښتو_تازه_خبرونه ##افغانستان_خبرونه ##خبرونه ##تازه_خبرونه ##تازه_پیښي ##ننني_خبرونه ##پښتو_ننني_خبرونه ##تاوده_خبرونه ##پښتو_تاوده_خبرونه