د زابل ولایت مرکز کې د واده پر یوه موټر د سړک غاړې ماین چاودنه کړې چې ۱۱ ملکیان پکې وژل شوي دي.

دا چاودنه نن سه شنبه له غرمې وروسته درې بجې د کلات ښار کیشانو سیمه کې شوې ده.
د زابل د والي ویاند، ګل اسلام سیال وايي دا ماین د وسله والو طالبانو له لور د سړک پر غاړه ایښودل شوی و.
په پيښه کې ۷ نور کسان ټپيان شوي دي، چې میرمنې او ماشومان هم پکې دي.
وروستیو څو اونیو کې د چاودنو او ډلییزو بریدونو پيښې زیاتې شوي دي.
نن په خوست او کابل کې هم ډلییز برید او چاودنه شوې چې لسګونه کسانو پکې وژل شوي او ټپيان شوي دي.