دخپریدو نیټه :دوشنبه ۵ عقرب ۱۳۹۹ ساعت ۱۸:۱۴
د مطلب کود : 221441
ملي امنیت په هلمند کې د اتلانو په نوم ۱۰۰۰ کسیزه ډله رامنځته کړې
د افغانستان ملي امنیت ریاست په هلمند کې د اتلانو په نوم یوه زر کسیزه ډله رامنځته کړې ده.
د سیمه‌ییزو چارواکو په خبره په دې زر کسیزه ډله کې د هلمند یو شمېر اوسېدونکي شامل دي څو د افغان امنیتي ځواکونو تر څنګ د طالبانو په وړاندې وجنګېږي.

د هلمند د والي ویاند عمر ځواک نن په دې اړه ازادي راډیو ته وویل: "دا ډله د ملي امنیت په چوکاټ کې رامنځته شوې او ټول امکانات همدا اداره ورکوي څو امنیتي چارې مخته یوسي او وکولای شي چې په منظمه توګه په سیمه کې امنیت ټینګ کړي."

له دې مخکې هم په هلمند او ځینو نورو سیمو کې ورته ډلې رامنځته شوې وې.

په ځینو برخو کې بیا خلکو شکایت کړی و چې د دغو ډلو ځینو غړیو د سیمې خلک ځورول.
سرچينه : د صدای افغان خبری آژانس(آوا)
https://avapress.com/vdcjxve8vuqe8xz.b,fu.html
تبصره پوسټ کړئ
ستاسو نوم
ستاسو دبرېښنا ليک پته