د ملي مصالحې عالي شورا وایي قطر کې د طالبانو او دولت ترمنځ د سولې روانې خبرې د نړیوالو بنسټونو تر څارنې لاندې روانې دي.
د دغه شورا مرستیال، اسدالله سعادتي ویلي نړیوال پر دواړو لورو نظر لري او که چیرې د چا له خوا خنډ او پلمې پيدا کیږي، نو د نړیوالو تر فشار لاندې راځي.
ښاغلي سعادتي هیله ښودلې چې نن شنبه د خبرو اترو کړنلاره وروستۍ شي او د خبرو اجنډا باندې کار پيل شي.
ښاغلي سعادتي دا څرګندونې کابل کې د یوې ناستې پر مهال کړي دي، چې د مرکزي زون یو شمیر مدني فعالانو هم پکې ګډون کړی وی.
تمه وه چې نن د دواړو خواوو پلاوي د کاري اصولو بشپړولو لپاره عمومي غونډه جوړه کړي.