د افغانستان دفاع وزارت وایي په هلمند کې ۱۹ وسله‌والو طالبانو ته مرګ‌ژوبله اوښتې ده.

دا خبره نن د پوځ په یوه اعلامیه کې راغلې ده.
د اعلامیې له مخې ملي امنيتي او دفاعي ځواکونو د هوايي ځواکونو په ملاتړ په مارجې او ناوې ولسوالیو کې پرون د وسله‌والو طالبانو د بريدونو مخنيوی کړی دی.
دفاع وزارت ادعا کوي چې د افغان پوځیانو په ځوابي بریدونو کې ۱۲ وسله‌وال طالبان وژل شوي او اووه تنه‌یې ټپیان دي.
وسله‌والو طالبانو تر اوسه د وراوښتې مرګ‌ژوبلې او د افغان چارواکو د ادعا په اړه څه نه‌دي ویلي.