د غور د والي ویاند عارف عابر وايي چې طالبانو په دغه ولایت کې د سیمه ییزې اردو پر یوې پوستې برید کړی دی چې په پایله کې یې د سیمه ییزې اردو ۸ سرتېري وژل شوي او شپږ تنه نور یې ټپیان دي.
هغه زیاتوي چې طالبانو تېره شپه د غور ولایت په شهرک ولسوالۍ کې د «قبرستان» په نوم امنیتي پوستې برید وکړ او دغه پوسته یې ولکه کړه.
ښاغلی عابر زیاتوي چې دغه پوسته لاهم د طالبانو په ولکه کې ده.
طالبانو تراوسه په دې اړه څه نه دي ویلي.
دا ولسوالۍ د غور ولایت په لوېدیځ کې موقعیت لري.