بلخ ولایت کې د کومانډو ځواکونو پر منتظره قطعې موټربم برید شوی دی.

دا برید نن سهار په بلخ ولسوالۍ کې شوې ده.
بلخ کي د شاهین قول اردو قومندان، هیبت الله علیزي ویلي له چاودیدونکو توکو یوه ډک مازداد موټر د کومانډو ځواکونو قراول ته څیرمه چاودنه کړې چې پایله کې یې یو تن سرتیری وژل شوی او شپږ نور ټپيان شوي دي.
د ښاغلي علیزي په وینا په دې پيښه کې له ۳۰ تر ۳۵ تنه ملکي وګړي هم وژیل شوي یا ټپيان شوي دي.
دفاع وزارت ویلی د دوی د لومړنیو معلوماتو پر اساس، تر اوسه ۲ ملکی وګړي او یو سرتیری وژل شوي او ۱۴ ملکیان او ۶ سرتیري ټپیان شوي دي.