د کاپیسا ولایتي چارواکې وایي، پولیسو د دې ولایت په حصه اول کوهستاني ولسوالۍ کې د یوې ځوانې نجلۍ جسد موندلی.

د کاپیسا ولایت د والي ویاند عبدالشایق شورش خامه پرس ته وویل، پولیسو نن سهار شپږ بجې د دې ولایت د حصه اول کوهستاني ولسوالۍ د ملاخېلو په سیمه کې د یوې پېغلې نجلۍ جسد موندلی.

نوموړي وویل د دغې نجلي د مرګ دلیل تر اوسه معلوم نه دی او پولیسو په دې اړه څېړنې پیل کړې دي.

د یادونې ده چې څو ورځې وړاندې هم کاپیسا ولایت کې د یوې نجلۍ جسد موندل شوی و.