د هرات د کډوالو او راستنېدونکو چارو رییس جاوېد نادم وايي:«د کووېډ 19 د کچې له ټیټ والي وروسته، دغه شمېر کم شو او د ورځې کابو زر تر ۱۵۰۰ کډوال هېواد ته راننوتل.»
په داسې حال کې ده چې، په هېواد کې د کورونا ویروس لومړي څپې ډېر کسان اخته کړي؛ خو د هرات د عامې روغتیا ریاست د ایران له لارې د کورونا ویروس د دویمې څپې له خپرېدو اندېښنه ښودلې ده.
د هرات د عامې روغتیا رییس عبدالحکیم تمنا وویل:«له سکن سره - که چېرې وغواړې په ټوله نړۍ کې ناروغۍ پیدا کړې نتیجه نه ورکوي، خو کله چې روغتیايي تعلیمات ورکوي او خبرتیا ورکوي، په واقعیت کې خلک د کورونا له ګواښ ته متوجه کوي.»
له دې سره سم، د هرات سیمه ییز مسوولین وايي، په دې تړاو په اسلام کلا بندر کې جدي تابیاوې نیول شوې دي.
د هرات د والي مرستیال غلام داوود هاشمي څرګنده کړه:«هغه کډوال چې راستنېږي د هغوی د ښه راغلاست طریقه ښه ده او له هغوی سره د کډوالو او راستنېدونکو چارو وزارت له خوا مرستې کېږي.»
په هېواد کې د کورونا ویروس د خپرېدو له پیله تر اوسه، څه باندې ۱۵۰ زره افغان کډوال له ایرانه هېواد ته راغلي دي.

ستاسو نظر

تازه ترین خبرونه