د امریکې استخباراتي مشرانو د کانګریس له یو شمېر مشرانو سره پټې خبرې کړې دي


د کانګریس په هغو غړیو کې چې په دې اړه معلومات ورکړل شول، د استازو جرګې رييسه ننسي پلوسي، د سنا جرګې د اکثریت مشر میچ مکنل او د دیموکرات او جمهوریپال ګوندونو څو مخکښ مشران شامل ول.
د کانګریس له دغو اتو مشرانو سره د استخباراتي ادارو له لوري په منظم ډول هر څه موده وروسته مهم استخباراتي معلومات شریکېږي.
پلوسي تر دې غونډ‌ې مخکې وویل، هیله لري چې جمهوریپال غړي په غونډه کې حقیقتونه ومني. دې د روسیې پر ضد د نورو بندیزونو غوښتنه هم وکړه. سپینه ماڼۍ وايي چې جمهور رییس ټرمپ ته د استخباراتو له لوري په دې اړه څه نه و، ویل شوي چې روسان په افغانستان کې د امریکایانو د وژلو لپاره طالبانو ته انعام ورکوي.
خو د امریکا د بهرنیو چارو وزیر تایید کړه چې روسانو له طالبانو سره مالي او پوځي مرسته کړې ده

ستاسو نظر

تازه ترین خبرونه