د دفاع وزارت وايي، په میدان وردګو کې ۹ تنه وسله وال طالبان هغه مهال ووژل شول چې پر ملي امنيتي ځواکونو يې بريد وکړ.
د وزارت اعلاميه کې راغلي:
تیره شپه وسله والو طالبانو د میدان وردګو ولایت د جغتو ولسوالۍ اړوند محمدقلي سیمه کې په ملي امنيتي ځواکونو ډلیز برید وکړ.
دغه برید د ملي امنیتي ځواکونو له خوا د کلک غبرګون او ماتي سره مخ شو.
په دغه نښته کې ۹ تنه وسله وال ترهګر وژل شوي او يو عراده سراچه ډوله موټر او يو موټرسايکل يې هم له منځه تللی دی.
طالبانو په دې اړه کوم غبرګون نه دی ښودلی.