عامې روغتیا وزارت هېواد کې د کرونا ویروس د ۶۶۴ نور مثبتو پېښو له ثبتېدو خبر ورکړ.

یاد وزارت نن ( یکشنبې غبرګولې ۲۵ ) ویلي، تېرو څلریشت ساعتونو کې د کرونا ویروس ۶۶۴ نور مثبتې پېښې ثبت شوې دي.
دې شمېر له مخې کابل کې ۳۱۶، کندهار کې ۳۴، پروان کې ۳۴، تخار کې ۳۲، بغلان کې ۳۲، پنجشیر کې ۳۱، کاپیسا کې ۳۰، نورستان کې ۲۴، پکتیا کې ۲۲، لغمان کې ۲۱، پکتیکا کې ۱۹، کندز کې ۱۴، دایکندي کې ۱۲، لوګر کې ۱۱، اته کونړ کې، اووه ننګرهار کې، اووه هلمند کې، درې زابل کې، درې نیمروز کې، او دوه بامیان ولایت کې ثبت شوې دي.
د عامې روغتیا وزارت د معلوماتو پر بنسټ تېرو څلریشت ساعتونو کې په کرونا ویروس اخته ۲۰ نور کسان هم مړه شوي، چې د ټولو مړه شویو شمېر ۴۷۱ ته ورسېد.
ښه اړخ دا چې له تېرې ورځې راهیسې ۵۲۴ نور هېوادوال له یاد ویروس څخه رغېدلي، چې هېواد کې د روغ شویو شمېر څلور زره او ۷۲۵ ته لوړ شو.