په سرپل ولایت کې تيره ورځ ۳۱ کسه طالبان له خپلو وسلو سره د دغه ولایت په بلخاب ولسوالۍ کې امنيتي ځواکونو ته تسليم شوي دي.

د ۲۰۹ شاهین قول اردو په یوه اعلامیه کې ولیي چې ياد کسان د کوهستانات ولسوالۍ اوسيدونکي دي او نور يې نه غوښتل جګړه وکړي، دوي په اوربند ټينګار کاوه چې چې د طالب ياغيانو بلې ډلې ورباندې بريد کړی، په نښته کې د يادې ډلې ۴ کسانو تر وژل کيدو ورسته ځانونه امنيتي ځواکونو ته تسليم کړي.
په تسليم شوو طالبانو کې د دوي ۳ مهم سرګروپان هر يو قاری شفيق الله د عبدالعزيز زوی، مولوی فضل الله بهاوی د محمد سرور زوی او عبدالقيوم د محمد سليم زوی شامل دي.
طالبانو تر اوسه په دې اړه څه نه دي ویلي.