ترکیه داعشي بندیان "خپلو اصلي هیوادونو ته استوي"

ښاغلي سویلو چې د شنبې په ورځ نومبر دوهمه (لړم ١١) خبریالانو ته وینا کوله، اروپایي هیوادونه د خپلو هغو اتباعو په وړاندې په "بې ‌مسوولیتۍ" تورن کړل چې د داعش په لیکو کې جنگیدلي او اوس له ترکیې ځواکونو سره بندیان دي.
د ترکیې د کورنیو چارو وزیر وروسته له هغه دغه انتقاد وکړ چې اروپایي هیوادونو ترکیه ددغو پخوانیو جنگیالیو د ساتنې او د هغوی د دوسیو د ارزونې په چارو کې یوازې پریښې ده.
هغه وویل: "دا موضوع مونږ ته د منلو وړ نده. دا کار په عین وخت کې غیرمسوولانه دی. مونږ د داعش نیول شوي غړي بیرته خپلو هیوادونو ته استوو."
له دې دمخه ترکي پوځیانو ویلي وو چې د داعش د ډلې په لسگونو غړي یې چې پر سوریې د ترکیې د برید په نتیجه کې له زندانونو تښتیدلي وو بریته نیولي دي.