رحمت الله نبیل دولسمشری ټاکنو نوماند وایی چی ټاکڼې دویم پړاو ته ځی او ټاکنو خپلواک کمیسیون دی چمتووالی ونیسی.

ښاغلي نبیل نن سه شنبه د ( تلې نهمه) په یوې خبرې ناسته کې د ټاکنو په تړاو خبرې وکړې، او له خکلو یې ټاکنو کې د ګډون په خاطر مننه وکړه، ښاغلي نبیل له افغان امنیتي او دفاعي ځواکونو هم مننه وکړه او د هغوی لاسته راوړنې یې وستایلې.

ښاغلي نبیل له مطبوعاتو او ناظر بنسنونو هم مننه وکړه، خو د خلکو پیکه ګډون ورته د اندېښنې وړ دی،هغه د خلکو کم رنګه ګډون، د ملي وحدت  حکومت مشرانو ته یوه ناکامي وبلله، هغه وویل، ټول والیان، امنیه قومندانان او مافیا  د ملي وحدت حکومت د ټیمونو په ګټه درغلي کړې، خو بیا هم د خلکو پیکه ګډون د ملی وحدت حکومت مشرانو پر مخ د خلکو ګوزار دی.

هغه وویل، په لومړي پړاو ټاکنو کې څوک نشي بریالی کېدای، ځکه د خلکو ګډون کم رنګه وو، هغه د  ټاکنو له دواړو کمېسیونونو وغوښتل تر څو دویم پړاو ته چمتووالی ونیسی. نبیل د ټاکنو پر شفافیت ټینګار وکړ، او د بحران د مخنیوي یوازینۍ لار يې رڼې ټاکنې یادې کړې.