غور ولایت کې سیمه ایز او امنیتی مسؤولین وایی چی طالبان ددی ولایت تولک ولسوالی کې سیمه ییز پاڅونوال پر پوستو باندی برید سره، ۷ تنه وژلی او ټپیان کړي، د دولت ځینو ملاتړ کوونکو کورونو ته اور ورپوری کړي او ۲ امنیتی پوستی د سیمه ییز پاڅونوالو څخه طالبانو کنترول ته ورغلی خو دشمن ته درانده تلفات اوښتی دی.

عبدالحی خطیبی د غور والی ویاند آوا خبرنګار ته وویل چی اخیرو څو ورځو کې ډیر شمیر مسلح طالبان د هرات چشت ولسوالی، بادغیس جوند ولسوالی او تولتک ولسوالی کې تجمع کړی دی.
د هغه په وینا، د طالبانو په دی ډله ییز برید کې چی تولک ولسوالی مناره ګاوکش سیمه کې ترسره شوی، ۳ تنه سیمه ییز پاڅونوال شهید شوي او ۴ تنه نور ټپیان شوی دی.
ښاغلی خطیبی زیاته کړه چی د سختو نښتو وروسته دا پوستی طالبانو کنترول ورغلي او سیمه ییز پاڅونوال د دولت ملاتړو سره ددی کلۍ څخه تیښته کړی دی.
خطیبی وویل: مسلح طالبان خالی کورونه د دولت ملاتړ کسانو دا اور ورپوری کړی دی.
په همدی حال کې، سید ضیا حسینی د غور ولایت آمر هم ددی پیښی په تایید سره وایی چی په دی نښته کې دشمن ته هم تلفات اوښتی خو دقیق شمیر یی تراوسه نه دی معلوم.
د هغه په وینا، په دی نښته کې یو پوسته د سیمه ییز پاڅونوال او یو پوسته د پولیسو دا طابانو کنترول ته ورغلی دی.