د ملي امنیت سلاکار حمدالله محب روسیې ته ولاړ

د ملي امنیت شورا نن په خپله ټویټرپاڼه دا خبر کړې ده.
ښاغلی محب د روسیې په اوفا ښار کې دې غونډې ته د روسیې د ملي امنیت شورا د منشي په بلنه ورغلی دی.
تمه ده د لوړ پوړو امنیتي استازیو غونډه د جون له اتلسمې تر شلمې د روسیې په اوفا ښار کې ترسره شي.
د لوړپوړو امنیتي استازیو غونډه د روسیې د ملي امنیت شورا له‌خوا ترسره کېږي چې دا وار د نړۍ د بېلابېلو هېوادونو څه باندې سل استازي په‌کې برخه اخلي او په مهمو نړیوالو امنیتي مسایلو بحث کوي.