نظامي چارواکي وایي، په بلخ، بغلان او فاریاب ولایتونو کې د افغان امنیتي او دفاعي ځواکونو د عملیاتو پرمهال ۷ طالب ترهګر وژل شوي او ۱۰ نور ژوبل شوي دي.

د معلوماتو له مخې د ۲۰۹ قول اردو ۲ کنډک ځواکونو د بلخ ولایت په بلخ ولسوالۍ کې بریالي عملیات ترسره کړي چې پر مهال ۲ طالب ترهګر وژل شوي او ۵ نور ټپیان شوي دي.
د خبر پاڼې په حواله، د ځانګړو ځواکونو پر ضد جنګیدونکی او د وسله والو طالبانو یو مهم کلیدي کس په یوه هوایي حمله کې وژل شوي دي.
خبر پاڼه زیاتوي چې د افغان ځانګړو ځواکونو په محاربوی عملیاتو کې بغلان کې ۴ طالبان وژل شوي او د وسلو یو زیرمتون یې له منځه وړل شوی دی.