د کندهار چارواکي وايي، د دغه ولایت په خرقې شریفې کې د وسلهوالې نښتې په تور د خرقې شریفې د رئیس محمد نسیم اخندزاده په ګډون ۱۶ کسان نیول شوي دي.
د کندهار چارواکي: د خرقې شریفې د رئیس په ګډون ۱۶ کسان نیول شوي
د صدای افغان خبری آژانس(آوا) , 3 دلو 1397 ساعت 15:36
د کندهار چارواکي وايي، د دغه ولایت په خرقې شریفې کې د وسلهوالې نښتې په تور د خرقې شریفې د رئیس محمد نسیم اخندزاده په ګډون ۱۶ کسان نیول شوي دي.
د خرقې شریفې دوو متولیانو مسعود اخندزاده او نسیم اخندزاده تېره ورځ د خرقې مطهرې د امتیازاتو او ریاست د څوکۍ پر سر له لفظي شخړې وروسته وسلهواله نښته وکړه چې په دغه نښته کې یو کس ټپي هم شو.
د کندهار د والي ویاند عزیز احمد عزیزي ازادي راډیو ته وویل چې تېره ورځ د کندهار په خرقې شریفې کې د دغه زیارت د متولیانو مسعود اخندزاده او نسیم اخندزاده ترمنځ د رامنځته شوې وسلهوالې نښتې وروسته، د خرقې شریفې د رئیس محمد نسیم اخندزاده په شمول ۱۶ کسان نیول شوي دي.
د عزیزي په وینا، نیول شوي کسان د ولایت مقام لهخوا د یوه ټاکل شوي هیئت تر څېړنو وروسته د پېښې د عاملینو په توګه پېژندل شوي دي.
عزیزي ونهویل چي نیول شوي کسان غیر مسؤله وسلهوال دي که د خرقې شریفې ساتونکي، خو په وینا یې چې له دغو کسانو یو شمېر سپکې او درنې وسلې هم تر لاسه شوې دي.
د مطلب کود: 178416