جان بس په خپل رسمي ټویټر کې لیکلي دي طالبان هماغسې چې له رسنیو سره غږیږي، له افغانانو سره هم باید وغږیږي.
 
 
د رویټرز خبري اژانس د سه شنبې په ورځ (جنوري ۸) د ځینو طالب چارواکو له خولې لیکلي وو چې دوی د چهارشنبې په ورځ په قطر کې له امریکايي استازو سره غونډه نکوي.
رویټرز ته دغو طالبانو ویلي دي چې دوی له امریکايي پلاوي سره د اجنډا پر سر اختلاف درلوده نو ځکه یې غونډه وځنډوله.
خو د امریکا سفیر وايي دا راپورونه سم نه دي.
تر دې مخکې د افغانستان د سولې عالي شورا هم ویلي وو چې د قطر غونډه د طالبانو او امریکايي استازو ترمنځ ده چې اعتماد جوړ شي.
تر دې مخکې طالبانو د سعودي عربستان د جدي په ښار کې د افغانستان د سولې په اړه په پلان شوې غونډې کې له ګډون ډډه وکړه.
طالبانو ویلي وو چې د سعودي چارواکو پرې فشار راوړی چې له افغان حکومت سره دې خبرې وکړې
 

ستاسو نظر

مربوطه لیکنې

تازه ترین خبرونه