یو وسله وال سړي واشنګتن ښار ته نژدې په مریلنډ کې پر خلکو ډزې کړي او یو شمېر کسان یې وژلي دي.

پېښه د پنجشنبې په ورځ د مریلنډ د هارفورډ په ناحیې کې د (رایټ ايډ) درملو د شرکت د توزیع په یوې څانګه کې شوې ده.

اسوشیتډپرس د ځینو پولیس چارواکو له خولې لیکلي دي چې په برید کې درې کسان وژل شوي دي او وسله وال هم نیول شوی دی.

د بریدګر هویت لا معلوم نه دی او ویل کیږي چې له پولیسو سره په ډزو کې ژوبل شوی دی او حالت یې ښه نه دی.

په برید کې ځینې خلک ژوبل شوي هم دي. لا د برید انګیزه معلومه نه ده.