د طالبانو ویاند ذبیح الله مجاهد وایي ”د کابل ښار په دشت برچی کې د نن ورځې چاودنه د اسلامي امارت د مجاهدینو پورې ربط نه لري. “

په افغانستان کې وسله وال طالبان وایي د کابل ښار په نننی برید کې لاس نه لري.
د طالبانو ویاند ذبیح الله مجاهد وایي ”د کابل ښار په دشت برچی کې د نن ورځې چاودنه د اسلامي امارت د مجاهدینو پورې ربط نه لري. “
د کورنیو چارو وزارت ویاند نجیب دانش تائیدوي چې د کابل په لویدیځ کې د یو ښوونیز مرکز ته څېرمه ځانمرګي برید شوی خو د تلفاتو په اړه معلومات په لاس کې نشته.
 د عامې روغتیا وزارت چارواکي وایي د چاودنې په ترڅ کې ۲۵ کسان وژل شوي او شاوخوا ۳۵ نور ټپیان دي چې درملنې لپاره روغتونونو ته ور وړل شوي دي.
یوه امنیتي سرچینه وایي د برید په ترڅ کې لږ تر لږه ۱۴ کسان وژل شوي او تر ۲۰ زیات ټپیان دي.
سرچینه زیاتوي، چې پيښه د ښوونیز مرکز کې دننه رامنځته شوې ده.
بلخوا د ښونیز مرکز یوه سرچینه وایي د برید په ترڅ کې لږ تر لږه ۳۰ کسان وژل شوي او تر ۲۰ زیات ټپیان دي.