افغان امنیتی ځواکونو او وسله والو ترمنځ د کندز په امام صاحب ولسوالی کې سخته نښته رامنځته شوي دی.

د کندز امنیه قوماندان مل پاسوال عبدالباقي نن سهار له رسنیو سره د مرکې پر مهال وویل، چې د نښتې په ترڅ کې لږ تر لږه ۲۱ تنه وسله وال طالبانو وژل شوي.
نوموړی زیاته کړه، چې وړمه شپه ناوخته ګڼ شمېر وسله والو د امام صاحب ولسوالی اړوند په امام الدین څلور لاري کې یې پر امنیتي پوستونو بریدونه پیل کړل.
د ښاغلی عبدالباقي په وینا، د افغان امنیتي او دفاعي ځواکونو د ځوابي بریدونو په ترڅ کې لږ تر لږه ۲۱ تنه وسله وال وژل شوي او ۱۲ نور ټپيان دي.
د کندز امنیه قوماندان د افغان امنیتي او دفاعي ځواکونو مرګ ژوبلې په اړه څه ونه ویل.
د دولت ضد وسله والې ډلې تر اوسه په دې اړه څه نه دي ویلي.