پاکستان د پوځي استخباراتو یا آی ایس آی په پخواني مشر د ملک نه بهر د سفر کولو بندیز ولګاوه.
دخپریدو نیټه :دوشنبه ۷ جوزا ۱۳۹۷ ساعت ۱۸:۰۳
د مطلب کود : 164404
پوځ ویلي دي چې د آی اس آی د دې پخواني مشر نه د یو کتاب د لیکلو په خاطر رسمي تحقیقات کیږي.
د پاکستان د پوځ ویاند تورن جنرال آصف غفور ویلي دي چې د پوځي استخباراتو یا آی اس آی پخوانی مشر متقاعد ډګر جنرال اسد درانی نن د پوځ عمومي قوماندانۍ ته جلب کړی و چې د خپل نوي کتاب په اړه توضیحات ورکړي.
دغه کتاب چې د (سپای کرانیکلز) یا د استخباراتو تاریخي پیښې نومیږي اسد دراني د هند د استخباراتو د یو پخواني مشر سره په ګډه لیکلی.
اسد دراني په کتاب کې لیکلي دي چې پاکستان د القاعده د مخکني مشر اسامه بن لادن په وژلو کې د امریکا سره همکاري کړې وه.
متقاعد ډګر جنرال اسد درانی د ۱۹۹۰ نه تر ۱۹۹۲ پورې د آی ایس آی مشر و.
سرچينه : د صدای افغان خبری آژانس(آوا)
avapress.net/vdce7e8zejh8pei.r6bj.html
ټګونه
ډیری لیدل شوي
