یو شمیر مدنی فعالین الکترونیکی تذکرو ویښ لړۍ درولو غوښتنه کړي

د مدني ټولنې دغه استازي وايي، د تذکرو د وېش لړۍ د هېواد له لویو قضایاو څخه ده او په دې تړاو جدي بحث او دقت ته اړتیا ده ترڅو په دې تړاو ملي اجماع او توافق رامنځته شي.
استازیتوب عین الدین بیګ یو د مدنی فعالینو څخه وایی:
"دغه مسئله موږ ته د منلو وړ نه ده، موږ د یو ملت په توګه په دې اړه باید تفاهم وکړو، موږ ټول د الکترونیکي تذکرو د بهیر درېدو غوښتونکي یو، له هغه پرته به پراخو اعتراضونو لاس پوري کړو او د حکومت په وړاندې به ودرېږو."
دا په داسې حال کې ده چې تېره ورځ په افغانستان کې رسماً د الکترونیکي تذکرو د وېش لړۍ پیل شوه او ولسمشر محمد اشرف غني لومړنۍ الکترونیکي تذکره واخیستله.
ولسمشر محمد اشرف غني د لومړنۍ الکترونیکي تذکرې له اخیستلو وروسته په لنډو خبرو کې وویل چې دغه لړۍ په دې دلیل له وروستیو حملو وروسته پيلوي چې په خبره یې انتحاریان له جعلي تذکرو استفاده کوي.
د ښاغلي غني په خبره د الکترونیکي تذکرو په وېشلو سره به د سو استفادې مخه ونیول شي.
خو د حکومت اجرائیه رئیس له دې پروسې سره مخالفت څرګند کړی او نامشروع یې بللې ده.
عبدالله عبدالله پرون وویل چې په دې برخه کې تراوسه د هېواد او حکومت په کچه ملي اجماع نه ده رامنځته شوې.
ښاغلي عبدالله مخکې هم ویلي و چې د برېښنايي تذکرو وېش د هېواد د یوې لویې ملي مسئلې په توګه زیات بحث ته اړتیا لري.