په غور ولایت کې پرون یکشنبې یو شمېر خلکو په‎دې اړه اعتراض وکړ چې په خبره یې ښاروالۍ او د کانونو اداره ترې بې ځایه پیسې اخلي.

اکثر دا معترضین د لاریو چلوونکي وو چې ویل یې د یوه موټر د انتقال لپاره څو ځایه پیسې ورکوي.
دوی د غور د ملي امنیت د ودانۍ مخې ته اعتراض وکړ.
خو د غور د ښاروالۍ وايي، د ښاري خوندیتوب په نوم له‌دې موټر چلوونکو ډېرې کمې پیسې اخلي چې اوس به هڅه وکړي، نوره هم د دې پیسو اندازه راکمه کړي.