د افغانستان بانک د پولي خدمتونو او حوالو د تنظیم لپاره د هېواد صرافانو ته، چې په انفرادي توګه هڅې تر سره کوي او دغه راز هغو کسانو ته، چې د آیسا د تشبث جواز ولري، د صرافۍ د شرکت جواز ورکوي.
د افغانستان بانک د جواز د ورکړې مدیر حمیدالله توفیق وایي، د دغو شرکتونو جوړیدل به د آسانه پولي خدمتونو په وړاندې کولو کې آسانتیاوې رامنځته کړي؛ ځکه، چې نور پولي خدمتونه په سیستکاتیکه بڼه تر سره کیږي.
هغه صرافان، چې د صرافۍ د شرکتونو جواز اخلي؛ کولی شي د هېواد په ګوټ ګوټ کې څانګې پرانیږي.
د صرافۍ د یوه شرکت رییس جارالله منصوري وایي، پولي معاملې باید د د افغانستان بانک تر څارنې لاندې ترسره شي او که داسې ونشي بیا هم د نړیوالو تر نیوکې لاندې به وو.
له دې مخکې د صرافانو ټولنې د افغانستان بانک کړنې د بهرنیو اسعارو د مدیریت په برخه کې کمزورې ګڼلې وې.
سرچينه : د صدای افغان خبری آژانس(آوا)