د کونړ ولایت د امنیه قومانداني سرپرست زمان عیار وایي، د داعشیانو پر مواضعو تازه هوایي برید د چپې درې ولسوالی په مربوطاتو کې ترسره شوې ده.

په ختیځ کونړ ولایت کې ځایي امنیتي چارواکي وایي، د امریکایي ځواکونو د بې پیلوته الوتکو په هوایي برید په ترڅ کې د اسلامي دولت نومې دلې اوه وسله وال وژل شوي دي.
د کونړ ولایت د امنیه قومانداني سرپرست زمان عیار وایي، د داعشیانو پر مواضعو تازه هوایي برید د چپې درې ولسوالی په مربوطاتو کې ترسره شوې ده.
نوموړی زیاته کړه، چې په دغه هوایي برید کې شپږ داعش وسله وال او د هغوی یوه ډلمشر وژل شوي.
د دولت ضد وسله والې ډلې د داعشیانو په ګډون تر اوسه په دې اړه څه نه دي ویلي.
کونړ د افغانستان په ختیځ کې له پاکستان سره ګډه پوله لري چې د هېواد له ناامنه او د طالبانو، القاعده او نورو وسله والو ډلو د فعالیت سیمه ګڼل کېږي.
دا په داسې حال کې ده چې کابو درې اوونی مخکې داعش وسله والو د وته پور ولسوالی په مربوطاتو کې د امنیتي ځواکونو پر پوستو ډلیییز برید پیل کړي وه.
د ځایي پوځي چارواکو په وینا، د برید په ترڅ او د امنیتي ځواکونو د ځوابي برید په پایل کې د داعش ډلې یوه غړی وژل شوی و او دوه نور ټپیان شوي وو.