د ناټو ملکي سفیر د افغانستان له اجرائیه رئیس سره په لیدنه کې ویلي، ناټو د هر ګواښ په وړاندې د افغانستان د حکومت او خلکو سره ولاړه ده.
د اجرائیه ریاست څخه په خپره شوې خبرپاڼه کې ویل شوي چې کورنلیوس زیمرمن پرون ماښام له عبدالله عبدالله سره وکتل او ټینګار یې وکړ چې د نوې ستراتېژۍ په چوکاټ کې به په افغانستان کې د خپل هوايي او بشري ظرفیت په زیاتولو د حکومت د مخالفو وسلهوالو خلاف بریدونو ته زور ورکړي.
خو په خبرپاڼه کې د دې هوايي حملو د زیاتېدو په اړه ډېر جزئیات نهدي ورکړل شوي.
د اجرائیه ریاست څخه خپره شوې خبرپاڼه وايي چې په دې لیدنه کې دواړو لورو په سیمهییزې همکارۍ، د انتخاباتو لپاره پر چمتووالي او امنیتي مسئلو هم خبرې کړې دي.