نن د شنبې په ورځ غرمه پنځه لس کم یوه بجه د کابل ښار د شهرنو په سیمه کې د کورنیو چارو د وزارت زړې ودانۍ سره چاودنه شوې ده، چې له امله یې د عامې روغتیا وزارت د وینا له مخې لږ تر لږه ۹۵ تنه وژل شوي او تر ۱۵۸ تنو پورې نور ټپیان شوي دي.
د کورنیو چارو وزارت د ویاند مرستیال نصرت رحیميته وویل، چې دا برید د امبولانس موټر پواسطه شوی دی.
ښاغلي نصرت وویل " بریدګر یو امبولانس موټر له چاودیدونکو توکو ډک کړی و او د جمهوریت روغتون ته د ناروغ د رسولو په بهانه د لومړي قراول څخه هم تیر شوی و، خو په دوهم قراول کې پرې پولیس شکمن شوي او د پولیسو د ډزو په پایله کې یې منفجره مواد چولي دي".
د کورنیو چارو د زړې ودانۍ سره جوخت د جمهوریت روغتون موقعیت لري.
دریافت صفحه با کد QR