د کندهار امنیه قومندان جنرال رازق په ډاګه کړې، چې د طالبانو مشر ملا هبت الله په سویل ختیځ زون کې خپلو افرادو ته امر کړی، چې نور له داعش سره جګړه ونه کړي.

هغه زیاتوي، ملا هبت الله لس ورځي وړاندې د هلمند ولايت موسی کلا ولسوالۍ ته راغلی و او هلته يې له يو شمېر قومندانانو سره کتلي دي.

نوموړي دا هم ویلي؛ د طالبانو مشر لارښوونه کړې، چې د داعش او طالبانو موخې ګډې دي، نو له دې امله باید ورسره جګړه ونه شي.

طالبانو تراوسه په دې اړه څه نه دي ویلي.