د ارزګان په مرکز ترينکوټ کې تېره شپه يوې چاودنې تر لسو ډېر کسان ټپيان کړل.
د ولايتي روغتون د جراحۍ د برخې مسؤل محمد ياسين صالحي وايي چې له پېښې دوى ته ١٤ ټپيان ور وړل شوي چې د يوه تن روغتيايي وضعيت نازک دى.
د امنيې قوماندانۍ د لومړۍ امنيتي حوزې امر ميرويس نن یکشنبه ازادي راډيو ته وويل چې چاودنه د ترينکوټ په داسې سيمه کې شوې چې ګڼه ګوڼه په کې ډېره وه.
خو ده وويل، پر موټرسايکل د ځاى پر ځاى شوي بم په چاودنه کې، ٤ پوليس او د ماشومانو په ګډون ٨ ملکيان ټپيان شوي دي.
په بله پېښه کې، په ارزګان کې تېره شپه د يوه ماين په چاودنه کې، يو سرتېرى وژل شوى او درې نور ټپيان شوي دي.
سرچينه : د صدای افغان خبری آژانس(آوا)
