د افغانستان د اسلامي جمهوریت جمهوررئیس محمداشرف غني د فراه ولایت په ګلستان ولسوالۍ کې د یو مسافر وړونکي بس او د تېلو ټانکر د ټکر په پېښه چې له امله یې زموږ یو شمېر هېوادوال شهیدان او ټپیان شول، سخت خواشینی شو.
جمهوررئیس د پېښې د قربانیانو له کورنیو سره د خواخوږۍ او همدردۍ د څرګندولو تر څنګ شهیدانو ته د خدای تعالی په دربار کې د فردوس جنت او ټپیانو ته د روغتیا دعا وکړه.
همدارنګه جمهوررئیس غني اړوندو مسوولانو ته لارښوونه وکړه چې د ټپيانو د درملنې او د قربانیانو کورنیو سره د مرستې په موخه بیړني ګامونه پورته کړي.
ارګ-ریاست جمهوری