د افغانستان د مشرانو جرګې غړو د دغه هیواد د سولې په عالی شورا کښې د اختلاس د ادعا د څیړنې غوښتنه وکړه.
افغان غږخبری آژانس خبر ورکړی چې د افغانستان د سنا جرګې ځینو غړو پرون وویل چې د افغانستان د سولې د عالی شورا له بودجې څخه د ۲۴۰۰ پروژو د اختلاس په هکله د دغې شورا د ویاند شهزاده شاهد د ادعا په هکله باید تحقیق او څیړنه وشی.
دغو غړو همداشان ټینګار وکړ چې له بهرنیو سفارتخانو څخه د سولې د عالی شورا د ځینو غړو د میاشتنیو حقوقو یا تنخواه د ترلاسه کولو په اړه دې هم تحقیقات وشی.
د ویلو ده چې د افغانستان د سولې د عالی شورا ویاند په دې وروستیو کښې په یوه ټیلیویژنی مرکه کښې ویلی وو چې د یادې شورا ځینی لوړرتبه غړی د بهرنیو سفارتخانو لپاره کار کوی او په دې وروستیو کلونو کښې د څه باندې ۲۴۰۰ پروژو په بودجه کښې هم اختلاس شوی دی.
د افغانستان د سولې عالی شورا ۵۰ غړی لری.