د ایران د محصلینو د خبری آژانس، ایسنا، د راپور په اساس، د کرملین ماڼۍ ویاند، دیمیتری پسکوف، وویل: د روسیې ؤلس مشر، ولادیمیر پوتین، دغه ترهه ګره حمله غندی، او د ترکیې له ملت سره خپله خواخوږې څرګندوی.
د روسیې لمړی وزیر، دیمیتری مدودف هم، د دغې پیښې په غبرګون کی، د ترکیې له خلګو او د قربانیانو له کورنیو سره خپله غم رازې وښودله، او زیاته یی کړه: ټروریزم په هیڅوجه د توجیه وړ نه دئ.
د شمالی اتلانتیک د تړون سازمان( ناټو ) عمومی منشی،ینس استولتنبرګ هم، د دغې بم ایښودنې او چاودنې د غندلو په ضمن کی، وویل: دغه پوځی ائتلاف، د تر کیې له دولت سره ملګرئ دئ.
همداراز د بربتانیې لمړی وزیر، ډیویډ کامرون هم، پخپل ټویتر کی، د دغې چاودنې د قربانیانو د پاتی کسانو خواخوږې وښودله، او ویی ویل؛ چی په انقره کی د ورانونکې ترهه ګرې حملې د خبر له اوریدو څخه ویریدلئ دئ.