دخپریدو نیټه :يکشنبه ۱۶ حوت ۱۳۹۴ ساعت ۲۰:۱۰
د مطلب کود : 123441
اجرائیه رئیس د کابل لپاره د اروپايي اتحادیې له سفیر سره پر ټاکنیزو اصلاحاتو خبري وکړې
د افغانستان د اسلامي جمهوریت اجرائیه رئیس ډاکټر عبدالله عبدالله د افغانستان لپاره داروپايي ټولني له خاص استازي فرانز مایکل میلیبن سره د ټاکنیز سستم پر سموني خبري وکړې.
اجرائیه رئیس د اروپايي ټولني سفیر ته وویل، چي د ټاکنو نظام هر اړخیزه اصلاح د حکومت له لومړیتوبونو څخه ده او په دې برخه کي هیڅ ډول معامله نه کيږي.
نوموړي زیاته کړه، چي په دې برخه کي پرمختګ هم سوی دی او حکومت به د جامع اصلاحاتو تر راتګ پوري دا پروسه تعقیب او تطبیق کړي.
هغه یادونه وکړه، چي د ټاکنو په دواړو کمېسونونو کي به هر اړخیز تغیرات راسي او حکومت به په یادو نهادونو کي له نوي کمېشنرانو سره راتلونکي ټاکني وکړي.
د کابل لپاره د اروپايي اتحادیې سفیر مایکل میلیبن هم د ټاکنیز نظام اصلاح د افغانستان د راتلونکي لپاره اساسي ټکی وباله او زیاته یې کړه، چي دوی به یوازي تر اصلاحاتو وروسته له راتلونکو ټاکنو ملاتړ وکړي.
نوموړي زیاته کړه، چي اصلاحات د شفافیت او پر ټاکنو د خلکو د باور له ایجاد سره مرسته کوي او اړینه ده، چي دا پروسه د توقع سره سمه مخته ولاړه سي.
https://avapress.com/vdcayen6649nuy1.hxk4.html
تبصره پوسټ کړئ
ستاسو نوم
ستاسو دبرېښنا ليک پته