د میدان وردګو ولایت په چک او سیداباد ولسوالیو کې د کوچیانو او وسله والو طالبانو ترمنځ د نښتې په ترڅ کې یو وسله وال طالب قوماندان وژل شوی او دوه نور ټپیان دي،همدا راز د مخالفینو سره یو ځای شوی سیمه ییز پولیس د دوی له لورې وژل شوی دی .

د چک ولسوالۍ په درکوه مدو سیمه کې تېره شپه د کوچیانو او وسله والو طالبانو ترمنځ نښته شوې،چې له امله یې د وسله والو طالبانو یو قوماندان وژل شوی او دوه نور ټپیان دي.

د دغه پېښې وروسته وسله والو مخالفینو د کوچیانو ګڼ شمېر څاروي هم له ځآن سره بیولي،چې اوس مهال په سیمه کې د امنیتي ځواکونو له لورې هم عملیات پیل شوي دي .

په دغه پېښه کې کوچیانو او نورو ملکي وګړو ته کوم زیان نه دی اوښتی .

د یو بل خبر له مخې وسله والو مخالفینو هغه سیمه ییز پولیس تېره شپه وژلی،چې له دوی سره له وړاندې یو ځای شوی وو.

دغه سیمه ییز پولیس حکمت الله نومیده،چې د سیمه ییزو پولیسو په لیکو کې یې د د ندې پر مهال له یو میل کلاشینکوف سره یو ځای د ډاکټرمیرویس په نوم وسله والې ډلې سره یو ځای شوی وو،چې تېره شپه د همدغه ډلې کسانو له لورې د سیداباد ولسوالۍ په حکیم خیلو سیمه کې وژل شوی دی