د جمهور رئیس محمد اشرف غني د جلاجلا حکمونو له مخې محمد عارف سروري د پنجشېر د والي، مېرمن معصومه مرادي د دایکندي د والي، محمد هاشم زارع د سمنګانو د والي او سید محمد خالد د کاپیسا د والي په توګه ټاکل شوي دي.
نوي ټاکل شوي والیان د لوړو زده کړو او لازمو تجربو لرونکي دي چې کولای شي اړوندې دندې په ښه ډول ترسره کړي.
په حکمونوکې د لوی خدای له دربار څخه دغو نویو ټاکل شویو والیانو ته هېواد او خلکو ته د خدمت لپاره د بریالیتوبونو هیله شوې ده.