بلوچستان کې زهرجنو ګازو ۷ مزدوران ووژل

د بلوچستان د کانونو ویاند غلام قادر مري ویلي، چې یاده پېښه تېره ورځ د هرنايي په تور غر سیمه کې د ډبرو سکرو په کان کې رامنځته شوې، چې په پایله کې ۷ تنه وژل شوي دي.
د مري په خبره وژل شوي مزدوران ۱۴۰۰ فوټه ژور کان ته ورښکته شوي وو، چې د ګاز نیونې ښکار شول.

له تېرو دوه میاشتو راهیسي پاکستان کې تر ۵۰ ډېر مزدوران د ګاز نیونې له امله مړه شوي دي.
باید یاده شي، چې شاوخوا څلور ورځې وړاندې هم د بلوچستان په مارواړ سیمه  کې  هم شپږ مزدوران د ګازو له کبله وژل شوي وو.