پوسټ کوډ ۹۸۸۰۷
نیټه خپرول: يکشنبه ۲۳ غویی ۱۳۹۷ ۱۵:۲۹

امریکایي ځواکونو په ننګرهار کې د داعش ډلمشر او څلور وسله وال وژلي

د ننګرهار ولایت مقام په یوه بیان کې لیکلي، چې د ننګرهار ولایت هسکې مېنې او پچير اګام ولسواليو کې تېره ورځ د هوايي بريدونو پر مهال د يو قومندان په ګډون پنځه داعش وسله وال وژل شوي.
خبرپاڼه زیاتوي، چې د هسکې مېنې نرۍ اوبو سيمه کې تېره ورځ د هوايي بريد په ترڅ کې د يو قومندان اسرار په ګډون څلور داعش وسله وال وژل شوي.
د ولایت مقام په وینا، په ورته وخت کې د پچير اګام په الف خېلو سيمه کې هم د هوايي بريد په ترڅ کې يو داعش وسله وال وژل شوی دی.
دا په داسې حال کې ده چې د ننګرهار ولایت په بېلا بېلو سیمو کې د داعشیانو، طالبانو او نورو وسله والو پر وړاندې پوځي عملیات دوام لري.
په افغانستان کې میشت امریکایي ځواکونه هم کله نا کله د پوځي عملیاتو په ترڅ کې او د افغان ځواکونو په ملاتړ هوایي بریدونه ترسره کوي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement