افغان ولسمشر له خپل پاکستاني سیال سره ټیلیفونې خبرې کړي دي

راپورونه وایي، چې افغان ولسمشرمحمد اشرف غني د پاکستان له صدراعطم نوازشریف ټیلیفونې خبرې کړي دي.

دا خبرد پاکستان ملي راډيو خپور کړی او ویلي چې دواړو مشرانو په افغانستان د سولې پروسې او دوه اړخیزو مسایلو باندې خبرې کړي.

د خبرله مخې نوازشریف د کابل د چاودنو په اړه خواشینې څرګنده کړې او زياته کړې چې پاکستان د يادو پېښو د قربانيانو له کورنيو سره په دې غم کې ځان شريک بولي.

د افغانستان جمهوري ریاست هم د اشرف غني او نوازشریف ترمنځ د ټیلیفوني خبرو مساله تایید کړه، خو په دې اړه یې د نورو جزیاتو له ورکولو ډډه وکړه.