د هلمند له مرکزي زندانه ۱۷۶ بندیان خوشې شول

د هلمند له مرکزي زندان څخه د ولسمشرحامد کرزي د ۱۶ فرمان له مخې ۱۷۶ بندیان خوشې شول.
د هلمند د والي حاجي محمد نعیم په وینا په ازاد شویو کسانو کې سیاسي بندیان هم شته او دوې پکې میرمنې دي.
افغان ولسمشرد مجاهدینو د بریالیتوب، یعني د ثور د اتمې نیټې په ویاړ په وروستیو کې له بیلابیلو زندانونو یو شمیر بندیان خوشي کړې دي.
د لشکرګاه په زندان کې تر زرو ډیر بندیان دي چې ۱۸ یې ښځې دي.