پوسټ کوډ ۷۲۳۰۹
نیټه خپرول: سه شنبه ۸ سلواغه ۱۳۹۲ ۱۸:۰۰

د کرزي په باور د افغانستان په وروستیو حملو کې امریکا لاس لري

د افغانستان ولسمشر حامد کرزي باور لري چ? د امريکا حکومت او پو? د افغانستان په وروستيو خون?يو بريدونو او چاودنو ک? لاس لري.

 تاند- واشنګټن پوسټ ورځپاڼه وايي، د افغانستان ولسمشر حامد کرزی باور لري چې د امریکا حکومت او پوځ د افغانستان په وروستیو خونړیو بریدونو او چاودنو کې لاس لري.
واشنګټن پوسټ ورځپاڼې کرزي ته د نژدې افغان چارواکو په قول ویلي چې افغان ولسمشر باوري دی چې په لسګونو حملې، چې په ظاهره د طالبانو له لوري شوي، د امریکا له خوا تنظیم شوي څو د ده حکومت کمزوری او په افغانستان کې بې ثباتي زیاته شي.
دغو افغان چارواکو تایید کړه چې کرزی په دې حملو کې د امریکایانو د لاس لرلو په اړه کره شواهد او اسناد نه لري.
خو نوموړی باور لري چې د کابل د لبناني رستوران د برید په شمول، چې د ۳ امریکایانو په شمول پکې ۲۱ تنه ووژل شول، امریکایان لاس لري.
واشنګټن پوسټ ورځپاڼه وايي چې دا راپور د امریکا د متحدو ایالتونو او کرزي ترمنځ، چې له امریکا سره د امنیتي موافقې له لاسلیکولو ډډه کوي، د اختلاف د ژورتیا بله نښه ده.
په کابل کې د امریکا د متحدو ایالتونو سفیر جېمز کننګم واشنګټن پوسټ ورځپاڼې ته ویلي چې د کرزي شکونه د دسیسې تیوري ښيي او له حقیقته لېري دي… «دا نه منطق مني او نه عادي ذهن او یوازې زموږ دښمن ته ګټه رسوي.»
د واشنګټن پوسټ ورځپاڼې د راپور پر اساس په افغانستان کې د ناټو او امریکايي پوځیانو عمومي قومندان پر دې موضوع د خبرو په مهال وویل:«موږ د ترهګرو او یاغیانو په وړاندې دوولس کاله هڅې کوو څو په افغانستان کې سوله او ثبات راولو. خو له دې سره سره که زموږ هڅو ته د شک په سترګه وکتل شي یا په بل ډول تعبیر شي نو دا به د هغو کسانو د قربانیو لپاره مناسبه نه وي چې د افغانستان د خلکو په خاطر یې ورکړي دي.»
واشنګټن پوسټ د افغان چارواکو په قول ویلي چې کرزی فکر کوي چې دا بریدونه د دې لپاره کېږي چې د امریکايي پوځیانو له لوري ملکي افغانانو ته له اوښتونکو تلفاتو پام په بله واړول شي. پر دې سربېره افغان چارواکو ویلي چې د کابل د لبناني رستوران حمله تر دې زیاته پېچلې وه چې وسله وال طالبان دې دا راز برید وکړای شي.
واشنګټن پوسټ ورځپاڼه وايي چې وسله والو طالبانو په وروستیو بریدونو کې د امریکا د رول امکان رد کړی دی.
د دې ډلې ویندوی ذبیح الله مجاهد واشنګټن پوسټ ته ویلي:«د هرې حملې مسوولیت چې موږ په غاړه اخلو، هغه موږ په خپله کوو، زموږ کسان یې کوي نه بل څوک.»

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement