جمهوررئيس حامدکرزی په یو ورځني رسمي سفر ایران ته روان شو

 د افغانستان د اسلامي جمهوریت جمهوررئيس حامدکرزی د ایران د اسلامي جمهوریت د جمهوررئيس ډاکټر حسن روحاني په بلنه، نن سهار د یوه لوړ پوړي دولتي پلاوي په مشرۍ، د هغه هېواد پایتخت تهران ته روان شو.
د روان کال د زمري په ۱۳ نېټه د ډاکټر حسن روحاني د لوړې په مراسمو کې د هېواد د جمهوررئيس د سفر په لړ کې جمهورئيس ته بلنه ورکړل شوې وه، تر څو د دواړو هېوادونو ترمنځ د بشپړو خبرو اترو او دوه اړخیزو همکاريو په اړه په یوه مناسب وخت کې ایران ته سفر وکړي چې نن په همدې هدف جمهوررئيس حامدکرزی د یوه لوړپوړي دولتي پلاوي په مشرۍ د یوه ورځني سفر لپاره هغه هېواد ته روان شو