پوسټ کوډ ۶۷۱۸۳
نیټه خپرول: سه شنبه ۲۶ وږی ۱۳۹۲ ۱۷:۴۲

له افغانستانه د اوبو له لارې د وچې مېوې لومړۍ جوپه هند ته ورسېده

له افغانستان ?خه د ايران د چاه بهار بندر له لار? د صادراتي مال لوم?? جوپه هند ته ورس?ده.

تاند- له افغانستان څخه د ایران د چاه بهار بندر له لارې د صادراتي مال لومړۍ جوپه هند ته ورسېده.
د انډین ایکسپریس ورځپاڼې د راپور له مخې د افغانستان د وچې مېوې شل کانتینرونه روانه اوونۍ د بېړۍ په وسیله مومبي ته رسېدلي دي. دا به لومړی ځل وي چې افغانستان په مستقیم ډول هند ته په دومره پیمانه خپل محصولات لېږي.
هندي سوداګرو ویلي چې دوی غوښتل چې د اوبو له لارې له افغانستان سره سوداګري راکړې ورکړې وازمويي.
په کابل او تهران کې د هند سفارت د افغانستان او ایران له حکومتونو سره له تېرو څو میاشتو راهیسي له نژې کار کوي Dry Fruitsچې د ایران د چاه بهار بندر له لارې له هند سره د افغانستان د سوداګري مالونو د لېږدولو کار ممکن شي.
دا ایران چاه بهار بندر د پراخېدو په صورت کې د افغانستان لپاره د پاکستان د کراچۍ بندر ځای نیسي. که څه هم د کراچۍ بندر تر چاه بهار بندر یو څه نژدې دی خو له یوې خوا پاکستان هند ته د مالونو صادرېدو ته اجازه نه ورکوي او له بلې خوا د افغانستان سوداګرو ته هر څه موده وروسته یوه نه یوه پلمه جوړوي، مال یې ځنډوي او ترانزیتي مالیه هم زیاته غواړي.
هندي سوداګرو د چاه بهار بندر له لارې مومبي ته د افغانستان د وچې مېوې رسېدا یو لوی بری بللی دی او هیله یې څرګنده کړې چې له دې لارې به د دوو هیوادونو ترمنځ سوداګري لا زیاته وغوړېږي.
د هند د ملي ګارډ غړي د افغانستان په لور خوځېږي
تاند- د هند د ملي ګارډ د قطعې شاوخوا ۱۳۰ غړي د یو کلن ماموریت لپاره افغانستان ته روانېدونکي دي.
نن /سې شنبه/ د ریمنګټن د سیمې په یوه ښوونځي کې د روانېدونکو پوځیانو د تګ لپاره مراسم جوړ شوي ول.
د هند د ملي ګارډ قومندانې جیسیکا هالادې خبریالانو ته وویل، دا ځواکونه به په وسلو سمبال وي او په افغانستان کې به د کاروانونو امنیت ساتي.
دې همداراز وویل، دا پوځیان به افغانستان ته تر تګ مخکې د امریکا د ټکساس ایالت په فورټ هوډ پوځي مرکز کې یوه میاشت تریننګ یا روزنه ترلاسه کړي.

برچسب‌ها

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement