پوسټ کوډ 65119
نیټه خپرول: يکشنبه 30 چنګاښ 139214:36

نوازشریف د افغانستان په اړه د پاکستان پالیسي تشریح کړه

?اغلي شريف د پاکستان د بهرنيو چارو وزارت چارواکو ته وويل: «کله چ? د

تاند- د پاکستان صدراعظم نوازشریف پرون /شنبه/ په اسلام اباد کې د بهرنیو چارو وزارت ته لاړ چې افغانستان ته د دغه هیواد د ملي امنیت او د بهرنیو اړیکو د سلاکار سرتاج عزیز تر سفر مخکې د پاکستان د بهرني سیاست (پالیسي) په اړه خپل نظر څرګند کړي.
ټاکل شوې ده چې سرتاج عزیز د مخکیني اعلان خلاف نن/ یکشنبه/ کابل ته په یو ورځیني سفر راشي. ټاکل شوې وه چې نوموړی د شنبې په ورځ کابل ته راشي.
ښاغلي شریف د پاکستان د بهرنیو چارو وزارت چارواکو ته وویل: «کله چې د افغانستان خبره کېږي نو پاکستان له کومې ځانګړې ډلې سره اړیکې نه لري.»
ده زیاته کړه: کله چې په سیمه کې د سولې مسله مطرح وي پاکستان تیار دی چې له هرې ډلې سره خبرې وکړي خو پاکستان د متحد افغانستان ملاتړ کوي.
ویل شوي چې سرتاج عزیز به د افغانستان د قومي اقلیتونو له مشرانو سره په کایل کې په خپل سفارت کې وویني. تر دې مخکې دا کار د پاکستان د بهرنیو چارو پخوانۍ وزیرې حنا رباني کهر او همداراز صدراعظم پروېز اشرف کړی و.

د بهرنیو چارو وزارت ته د نوازشریف د تګ په ویاړ په جوړه شوې غونډه کې د پاکستان د بهرنیو چارو وزارت مرستیال جلیل عباس جیلاني له بېلابېلو سیمه ییزو او نړیوالو اړخونو د پاکستان د بهرنۍ پالیسۍ په اړه مالومات وړاندې کړل.
په غونډه کې ښاغلي نوازشریف اعلان وکړ چې د خپلو نړیوالو اړیکو سلاکار او د پاکستان د ملي امنیت مشاور سرتاج عزیز افغان چارواکو ته د پاکستان د څرګند پیغام د رسولو لپاره کابل ته لېږي.
د سیاسي چارو د ګڼو کارپوهانو په باور که نوازشریف وغواړي د افغانستان په اړه د پاکستان په پالیسۍ کې مهم بدلون راوستلی شي ځکه چې نوموړی په خټه پنجابی دی او دا ځل د پوځ په «رحم و کرم» واک ته نه دی رسېدلی.
له بلې خوا داسي تصور موجود دی چې له افغانستانه د امریکايی پوځیانو له وتلو وروسته که له یوې خوا د افغانستان حالات خرابېږي نو له بلې خوا په دغه هیواد کې د هند د نفوذ د لا زیاتېدو امکان برابرېږي چې د دې مسلې منل د پاکستان لپاره ګران کار دی. له همدې کبله هیله کېدای شي چې پاکستان به د افغانستان د مسلې سوله ییز حل ته لېوالتیا ولري.

پاکستان په وروستیو کې د قطر د سولې د بهیر د بېرته پیلېدو غوښتنه وکړه.

ستاسو نظر

  • AvaAdvertisement

مربوطه لیکنې

تازه ترین خبرونه

  • AvaAdvertisement